RAISE THE ROOF: A Benefit Concert for the Victims of Ondoy. Oct 1, 2pm Megatent
Viewed 32382 times by 2018 viewers
Apetayser
August 18th, 2009 § 24
Apetayser. Maniniwala ka ba na ang draft na ito e noong July 16 pa? Kung tutuusin, kung hindi man araw-araw, tuwing ikalawang araw o tatlo o apat, syempre hindi ako nawawalan ng naiisip na ipasak sa blag na to. Halimbawa, yung mga manyikang palagi kong nakikita sa mala kulungang aparador sa may hall. O ng mga lola ng barbie, na hindi man lang ako nagkaroon nung maliit ako, pero yung batang inaalagaan ko e may sangkatutak nito.
Hindi naman sa may tunog pait yung mga letra nung huling sinabi ko, katunayan noong nagtrabaho ako sa Singapore, namili ako kung ano ba yung manyikang pwede naming ipunin ng anak ko, sobrang ganda ang Barbie para sa akin, pakiramdam ko hindi bagay sa kulay ko, nandoon pa rin kasi tinatawag na self deprecation. Pero sobrang luma na rin sya para sa akin, sobrang sixties pero hindi mukhang retro.
Pinili kong bilan ng Bratz doll ang anak ko sa tuwing mapupunta ako ng mall, o mas tamang sabihin na pinili kong bilan ang sarili ko ng Bratz doll. Kailangan kong aminin na ginagamit ko lang ang anak ko para mabili ko ang mga bagay na hindi kayang bilin ng mga magulang ko noong bata ako para sa akin, o hindi ko kayang bilin para sa sarili ko noong malaki na ako at dapat kumikita na.
Yang apetayzer na yan? hindi na mahalaga kung bakit nandyan yan….ang mahalaga may post ako ngayon.
Okey siguro, nakatumbok ako ng maganda-gandang rason para bigla kong ipost yung Japanese salad na yan. Ang tunay na apetayser o pampagana para bumalik sigla yung paglagutok ng mga daliri ko at ituloy ang pakikipagniig nito sa keyboard ko para makagawa man lang ng isang post sa bawat pagkatapos ng isang post…maraming salamat sa nabasa ko sa blag ni Nebz, na dapat e sa blag muna ni Lord CM ko mababasa.
» Read the rest of this entry «
Viewed 58161 times by 3441 viewers
Artwork
July 22nd, 2009 § 28
Isa sa trabaho ng yaya e gawin kung ano ang ginagawa ng batang inaalagaan niya, walang nilayo sa ina na mayroong anak na pre schooler o nasa mababang baitang ng elementarya. Katulad ng alaga ko na biglang naisip na magkulay pagkatapos mabagot sa I spy game dahil sampung beses na siyang sunod sunod na nanalo habang abalang-abala naman ako sa pagpindot ng iphone game apps ko.
Madalas, magkukulay siya ng mala-manila -paper na drowing tapos ipapasa niya sa kin dahil sa “mas mahusay” daw akong magkulay pero kanina wala siyang maibigay sa kin na kukulayan kaya binigyan niya ako ng isang blangkong malaking papel.
» Read the rest of this entry «
Viewed 75298 times by 4250 viewers
Bago ko ipikit ang mga mata ko….
July 6th, 2009 § 9
Hindi yung ipikit ng tuluyan….hindi yung pikit na may kasamang hingalo tapos biglang nalagutan ng hininga…hindi yung katulad ng kwento ni Yanah.
Bago ko ipikit ang aking mga mata, isang post lang……isang isang post lang, tapos sabay GOOD NIGHT!
Medyo gusto kong i adjust yung oras, ilayo ng konting konti sa oras ng kompyuter ko na ala una singkwenta’y dos ng madaling araw. Mula sa mga oras na ito hanggang sa mga susunod na segundo, minuto, oras, araw, linggo, buwan, taon…..pangako hindi ako sasablay.
Sayang kasi yung binayad ko sa hosting. LOL!
» Read the rest of this entry «
Viewed 84643 times by 4769 viewers
Magtanim, matigok o magblog(ulit ng paulit-ulit)
June 26th, 2009 § 20
13 readers ngayong araw na to (na dati`y umaabot ng 64 to 200 -salamat sa entrecard- readers), napakamot ako sa baba ko. Pagkatapos akong maexcite sa testimonyal sa kin ni Rino Facebook biglang nangatog ang tuhod ko at nag isip na malamang sa hindi ang blog na ito e unti-unting mamamatay.
Hehehe, syempre charing ko lang yun. Eksaherasyon. Pero kapag hindi ako tumino tino, kapag sa tingin ko e masyado na kong nahuhumaling sa pagtatanim at pangangarap na magkaroon ng isang mansyon sa Farm Town, malamang sa hindi, tigok ang blog na to. Uso pa man din ang tigukan.
Hindeeeeeeeeeeee!! Ayokooooooooooooooo!!
Viewed 89379 times by 5004 viewers
Dito Sa Canada Halos Lahat Made In China
June 8th, 2009 § 35
Kung sino man si Mike Avenue na nagrereklamo na made in China ang natanggap lahat niyang tsokoleyt mula sa Canada, huwag na siyang magmarakulyo kasi halos lahat na mabibili mo dito ay made in China. Mula sumbrero na gagamitin mo sa kahit na anong panahon hanggang sa flip flops.
Uso din dito ang dollar store, mga produkto na mabibili mo ng isang dolyar pababa. Lahat halos ng mga produktong iyon tiyak na tiyak e galing sa China kung saan ang mga produkto e mura.
Sa kaalaman ng lahat, pasukin ng tao ang dollar store mula sa mga lokal na mamamayan hanggang sa mga imigrants. Maraming mga produkto ang mabibili sa dollar store, kabilang na run yung sobrang init, napakainit at nuknukan ng init na tsokolate ni Mike Avenue.
» Read the rest of this entry «
Viewed 108693 times by 5568 viewers
Golf club, diary, ibon, pray-over……
June 3rd, 2009 § 22
Kung kailan sabi ko - sa hindi mabilang bilang na beses na - na maaga na akong matutulog, kailangan mga at least pitong oras na tulog sa isang araw, heto ako alas una beinte sais ng madaling araw at tinatapos ang post na ito.
» Read the rest of this entry «
Viewed 111002 times by 5631 viewers
Balut, Penoy, Balut!
May 6th, 2009 § 51
Pagbalik ko noong linggo ng gabi sa trabaho, pinagmalaki agad sa akin ng panganay na anak ng amo ko yung labing isang itlog ng pato na nakita nila sa kasukalan sa likod bahay kung saan sila nang-huhunting ng turkey.
Nilagay nila sa loob ng hindi kalakihang aquarium ang mga ibon na pinalibutan ng mga pakpak ng nahuling turkey noong isang linggo at tinapatan ng dalawang ganitong ———–> lamp shade.
Sabi ko sa amo ko, iyan ang tinatawag na balut. Bakit di na lang kaya namin ilaga, budburan ng asin at suka sabay kaining buong buo ang sisiw sa loob habang masabaw sabaw pa.
Matagal tagal na rin pala akong hindi nakakakain ng balut, tanda ko noong huling uwi ko eh pinagsawa ko ang sarili ko nito. Saka one day old. Pati na rin bola-bola sa kariton.
Viewed 126338 times by 6367 viewers
Bakit ako madalas absent?
May 4th, 2009 § 22
How Time Flies……
April 23rd, 2009 § 35
Ang bilis ng panahon, parang kailan lang nung tinawagan ako ni younger sis na dumating na daw ang visa ko papuntang Canada. Abril 17 noong iniwan ko ang Singapore pauwing pinas para lang muling iwan papunta namang Canada.
Ang bilis ng panahon, akala ko kahapon lang noong nag disi-sais ako, ngayon apat na na taon na lang may disi-sais na akong anak….parang gusto kong umiyak kasi parang hindi pa ko nakaka-alpas sa ganoong edad. Pakiramdam ko lang.
Ang bilis ng panahon, nakita ko sa web cam yung tatay at nanay ko kahapon, iniimadyin ko pa yung may hanggang balikat na buhok ni tatay noon, medyo kulot kulot ang laylayan, hubad-itaas habang suot ang pantalong levi’s na straight cut. Akala ko kailan lang yung madalas kong suotin ang mga pantalon nya na nagmimistulang bell bottom kapag suot ko, katerno ang puti o asul na t-shirt na may tatak na Guam Cockpit sa likod.
Kagabi, nahahalata na sa itsura nya yung mga panahong pinagdaanan niya na pakiramdam ko bata pa lang ako ay pinagdaanan ko na rin sa tuwing suot suot ko ang mga damit niya.
Hindi na naka-mini skirt ang nanay ko katulad ng madalas kong titigan na litrato niya noong kabataan niya, ang madalas kong sinasabi ewan ko lang kung may nakakarinig e ” hindi ko kaya ang tibay ng loob niyang mag mini skirt“. Ang seksi ng nanay ko noon kahit na ibinablandra niyang dumating siya ng maynila mula sa probinsya para mag katulong.
Ang bilis talaga ng panahon. Magdadalawang taon na ako dito sa Canada sa darating na Hunyo at mag lilimang taon mula ng nilisan ko ang ‘pinas, tinakasan ang buhay third world para mag domestic helper sa Singapore at maging Caregiver dito sa Canada…….nakakalungkot na nakakatuwa.
Viewed 137102 times by 6791 viewers
-
Top Commentators
- brVince (1)
-
Tara Usap Tayo!
-
-
Kasali ako rito
