manilenya » Blog Archive » 4. What are the things you usually write about?

Subscribe

4. What are the things you usually write about?

By manilenya | 28 Comments

Last updated: Thursday, January 31, 2008

- bukod sa content ng blog/s mo, mas maganda kung maibabahagi rin kung paano nag-evolve ang pagbblog. Like, ano ang mga usually isinusulat dati kung ikukumpara ngayon. Ano ang mga dahilan sa pag-evolve.

Kasalukuyan akong sumasagot ng mga tanong para sa Media Ethics Class ng isang estudyanteng blagista tungkol sa blog ethics. Habang nirerebyu ko yung sagot ko sa pinakahuling tanong na nasagot ko (nasa ika apat pa lang ako ng labingpitong tanong) sabi ko pwedeng ipost ito. Kung baga laman blag din lang. Ganyan ang blagista diba?

At ito ang sagot ko sa tanong.

I write about my life, mula sa maliit hanggang sa maliit lol! Mula noong bata ako sa kalye ng Tundo hanggang sa maging domestic helper ako sa Singapore hanggang sa maging caregiver ako dito sa Canada.

Karamihan simple lang naman like kung ano nararamdaman ko sa isang particular na oras katulad nito:

“Hindi totoong natuto akong magbilang ng hanggang isang libo. Actually hindi ko alam kung hanggang saan natatapos ang bilang ko. At hindi rin totoo na may kinalaman sa mahabang pasensya ang pagbibilang na iyon. Katulad ng sinabi ni Lazarus, usually ginagawa ko lang ang pagbibilang kapag hindi ako makatulog, minsan para maaliw magbibilang pa ko pitumpu’t pitong puting pato pero bago ako maaliw maiinis muna ako at sasabunutan ang sarili ko dahil hindi pa rin ako makatulog.

At sa bandang huli, kakausapin ko na ang kaibigan na hindi visible sa king mga mata. Please Lord, matulog na tayo. Antok na antok na po ako e.

August 14, 2007”

Nagiging para tuloy syang diary.

Pero minsan din sumasagot yung blog ko sa mga isyu (political)..kung ano ba pagtingin ko sa mga yun. Yan e noong nasa Singapore pa ko kung saan may TFC lol! Now hindi na gaano e, kasi bukod sa ala akong TFC, wala na ring panahong makapanood ng tv para sa mga balita at makapagbasa kahit sa internet .

Tinitignan ko ngayon yung mga unang apat na buwan ng blog ko, wala naman akong nakitang pagbabago bukod lang sa marami palang mga meme noong mga panahon na yun ang sinasagot ko, me mga ginawa pala akong tula, na naalala kong ginagawa ko habang nagtatrabaho ako (naglilinis ng bahay ng amo) tapos sinusulat ko sa papel. Usually yung ibang post e tungkol sa stokwa, although hindi naman ako talagang stokwa parang nakakarelate lang. Pansin ko na noong una pa lang ng pagbablag ko medyo nag aasta na akong writer lol!. Feeling ko nagsusulat ako ng kwento. Sarili kong kwento (mga karanasan, mga opinion, haka-haka at rebuttal ng isang bobang pinay – na dalawang taon at kalahati kong ginamit na tagline ng manilenya)

Binago ko sya recently kasi gusto kong pumaimbulog sa problogging o paid post na tinatawag (mga isang bwan din yun ) tapos nag ingles ako (tagalog ang gamit kong lengwahe sa pagbablag) dahil ingles lang ang me karapatang kumita sa pagbablag, pero pagkatapos ng isang paid post na 17 dollars huminto na agad ako. Ibabalik ko na ulit yung dating tagline.

Hehehe parang theory ng supply and demand nga ba yun ng economy? Pagkatapos mong marating ang saturation point (anong saturation point ang pinagsasabi ko? Lol!) e babagsak ka pa rin sa pinagmulan mo.

28 Comments »