Contact
Subscribe
November 28, 2007 
manilenya
Apat na araw mula ngayon ay ang buwan ng manilenya - birthmonth ko at ikalawang anibersaryo ng manilenya.com. Apat na araw mula ngayon ay ang buwan na magtatapos sa taong ito. At apat na araw mula ngayon, December 1 na syempre. Wala ng atrasan sa bagong taon. Ang umatras daw panget!
Aatras sana ako at di tatapusin ang entry na ito, kagaya ng dati kasi naligo na naman daw ako lol!. Carry nyo yun? naligo ako sa gitna ng negative 3 degrees ngayong mag aalas onse ng gabi? Salamat sa heater.
Kanina habang nilalagay ko yung mga container ng basura sa may labas, gandang ganda ako sa itsura ng mga tuyot na tuyot na puno sa may kalsada kasama ng namumuting kalye at mga damuhan dala ng yelo. Gusto kong bumalik para kuhanan ng litrato yung nakita ko kaso naman rumaragasa ang hangin na may kasamang butil butil na yelo. Akala ko nga snow storm na, hindi pa pala.
Kung ganito ang itsura ng likod bahay ng tinutuluyan ko two weeks ago, ngayon yelong yelo na yung pond, pwede ng mag ice skate. How I wish one of these days e makuhanan ko pati na rin yung trail papuntang creek. Ewan ko, patay na patay akong kuhanan ang woods.
Bago ako maglumunoy sa yelo, kailangan balikan ko yung orihinal na topic ko.
Sa loob ng anim na buwan kong pananatili dito, ngayon lang ako nakapag-isip isip na wala akong karapatang malungkot o ngatngatin ng depresyon bagkus dapat nagbibilang ako ng mga blessings.
Kaya pramis bukas, iisa-isahin ko sila. Hindi na ko magtatrabaho bukas, hindi ko muna lilinisin yung apat na toilet. Hindi muna ko maglilinis ng apat na kwarto, tatlong sala, isang kusina, bar, toy room, dalawang closet. Hindi muna ko maglalaba at mamamalantsa. Bahala silang magluto ng supper.
Basta bukas iisa-isahin ko ang mga blessings na natanggap ko at mang-iinggit ako.
| 2.5 |
Viewed 1073 times by 301 viewers
Comment by 
di bale lagay ko sa photoblog ko tapos bigay ko sayo link