Narinig ko kahapon sa isang radio station na ang mga lalaki daw ay maaring makapagproduce ng milk dahil gusto ko ang mga dj at paborito ko ang radio station syempre pinatulan ko ang topic.

Sabi sa wikipedia, dahil ang mga lalaki daw ay may nipples hindi naman ganoon kalinaw kung mayroon silang mammary glands.  Ordinarily daw may mga konting mammary tissues na hindi napapansin at ang tawag dito ay gynecomastia o ang abnormal na paglaki ng dibdib (breast) ng mga lalaki. Pero kung hindi naman daw ito dala ng obesity o pagtaba mawawala din o matitigil ang paglaki nito habang tumatagal.

Ito ang nakakaloka, dahil sa hormonal stimulus - natural na magproduce ng gatas ang mga babae at ganun din daw sa mga lalaki although hindi ganun kalakas ang maaring ilabas na gatas ng lalaki.

Medyo nakakabaliw ito para sa mga lalaki lalo na sa mga macho at nagmamacho-machohang lalaki.  Dito pag sinabi kong macho hindi sinusukat lang sa laki ng katawan kundi yung mataas na pagtingin sa sarili na lalaki sya at siya lang ang may karapatang magprovide ng anumang lakas o kapangyarihan sa loob ng bahay.  E paano nga naman kung nagkataon na mayroon siyang gatas, papayag ba sya na magbreast feed kung sakali na wala o hindi kaya ng ina na maglabas ng gatas para sa kanyang sanggol?

May isang listener ang tumawag, ang sabi niya OO magpapabreast feed siya alang-alang sa pamilya syempre.  Bilang ama tutuparin nya yung pangako nya na aalagaan ang kanyang mga anak.

Syempre isang bagsak sa lalaking ito.  E ikaw kaya bilang lalaki gawin mo rin kaya yung kayang gawin ng listener na yun?

Viewed 594 times by 166 viewers